بیگواہیں مردمانی معاملہ چیردیگ مہ بیت ، جیڑہ ءِ بابت ءَ گوں سیاسی قوتاں گپّ ءُ ترٛان کتگ ، قانون ءِ وزیر

قانون ءِ وفاقی وزیر اعظم نذیر تارڑ ءَ لاہور ءَ عاصمہ جہانگیر کانفرنس ءَ ترٛان کنان ءَ گوٛشتگ کہ انصاف ہمے وڑ ابہ بیت کہ انچو کہ قانون گوٛشیت۔ ما چہ گوٛستگیں چِلّ سالاں ایمنی دژمنی ءِ دیمپان ئیں۔ من حیال ءُ لیکہانی درٛانگاز ءِ گوں آجوئی ءَ درشان ءِ پلّہ مرزاں ءُ اے گپ من  ءَ دل ءَ دوست انت۔ ڈیجیٹل رائٹس ءُ ایرادی موادانی معاملہ ءِ زُوت گہتری کیت انت۔

اعظم نذیر تارڑ ءَ گوٛشتگ کہ چیف جسٹس پاکستان ءَ وتی واک ءُ اختیار کم کتگ انت ءُ پارلیمنٹ ءِ بُرزدستی منّیتگ ۔

آئی ءَ گوٛشتگ کہ باید انت کہ بیگواہیں مردمانی معاملہ ڈالچار کنگ مہ بیت۔ بیگواہیں مردمانی بابت ءَ جوڑ کتگیں مزن وزیر ءِ کمیٹی ءِ باسکاں ، گوں سیاسی قوتاں ہم اے جیڑہ ءِ بابت ءَ گپ کتگ ۔ باید انت کہ درٛستیں جیڑہ ءُ جنجال گوں مذاکرات ءَ گیش ءُ گیوار کنگ بہ بنت۔