نوکنڈی ءَ لین ءِ لوڈ شیڈنگ ءِ سبب ءَ مہلوک پریشان ءُ تکانسر کتگ ۔ کیسکو ءِ نیمگا نوکنڈی ءَ لین ءِ دوران ءَ کم کنگ ءَ لس مردماں ہوار بیپاری ءُ کاروباری ہم مشکلانی دیمپان انت ۔ نوکنڈی ملک ءِ گرم تریں دمگاں شمار بیت ءُ اودا باز وہد ءَ گرم 50 سینٹی گریڈ ءَ ہم گوزیت بلئے اودا روچے دوازدہ کلاک لین دیگ ناانصافی ئے ۔ کیسکو ءِ نیمگا سُہب ءِ نُہہ بج ءَ داں نیم روچ ءِ دو بج ءَ ، ءُ شش بج ءَ داں شپ ءَ لین دیگ بیت۔
دمگ ءِ مردم ءُ کاروباریانی گوٛشگ اِنت کہ نوکنڈی ءَ لین ءِ لوڈ شیڈنگ ہلاس کنگ ءُ موسم ءِ جاورحال دیما کنگ سُہب ءِ شش بج ءَ داں شپ ءِ دوازدہ یک درٛچ ءَ لین دیگ بہ بیت دانکہ مردم چہ گرم ءَ وت ءَ بہ رکّین اَنت۔