میاں اُستمانی مالیاتی فنڈ (آئی ایم ایف ) ءِ منیجنگ ڈائریکٹر کرسٹا لینا جارجیوا ءَ گوٛشتگ کہ اولی سئے ماہی ءَ چین ءِ کارکردگی چہ گمان ءَگیشتر بوتگ ءُ بلئے پاکستان پدّریں مشکلانی دیمپان بوتگ۔
آئی ایم ایف ءِ منیجنگ ڈائریکٹر کرسٹالینا جارجیوا ءَ ورلڈ اکنامک فورم ءِ حاصیں سینشن ءَ ترٛان کنان ءَ گوٛشتگ کہ اے مٹینگ ءِ وہد ءَ پہ آئی ایم ایف ءَ دو پدّریں کلوہ انت۔ گوٛستگیں چندے سالاںی مشکلاں پد ہم دیمروئی ءُ معیشت گہتر بوتگ۔ ما دیمروئی ءِ حساب ءُ داد اے سال ءَ جوان تر کُتگ انت۔
آئی ءَ گوٛشتگ کہ دیمروئی کتگیں معیشتاں امریکہ ءِ کارکردگی جوان بوتگ ، انڈونیشیا ، ملائیشیا ، انڈیا ءِ وڑیں دیمروئی کنوکیں مارکیٹانی کارکردگی ہم جوان انت۔
چین ءِ کارکردگی چہ گمان ءَگیشتر بوتگ ءُ بلئے بازیں ملک چو کہ پاکستان پدّریں مشکلانی دیمپان بوتگ۔مصر نوں گہتر انت بلئے پہ آئی ءَ ہم جیڑہ ہست انت۔
آئی ایم ایف ءِ ایم ڈی ءَ گوٛشتگ کہ کم آمدنی ئیں ملکانی جاور نگیگ انت ، کورونا ءِ وبا ءِ سبب ءَ دنیا ءَ 3.3 ٹریلین ڈالرءِ تاوان رستگ ، چہ کورونا ءَ کم آمدنی ئیں ملکانی معیشت ءَ درستاں گیشتر تاوان رستگ ۔
کرسٹالینا جارجیوا ءَ گوٛشتگ کہ پہ ما اے وہد ءَ سئے ترجیح انت ، اولی ترجیح ایش انت کہ ہما ملکاں گرٛانی سک باز انت آ ٹارگٹ ءَ آرگ بہ بیت ، داں یک حدّے ءَ گرٛان بہائی جہل آؤرتگ بلئے انگتہ باز کار کنگی انت۔